Wednesday, February 15, 2006

విగ్రహ ప్రతిష్ఠాపన - మొదటి రోజు

బుధవారం, మాఘ బహుళ విదియ, 1927 శా.శ

నేను నిద్రలేచే సరికి నాన్న నా ప్రక్కనే పడుకుని వున్నాడు. ఇంతలో తాతగారు గుడికి వెళ్ళడానికి రడీ అవ్వమని నాన్నని పిలిచారు. నాకో ముద్దు పెట్టి స్నానానికి వెళ్ళాడు నాన్న. అమ్మ నిదానంగా అందరి స్నానాలూ అయిన తర్వాత నాకూ స్నానం చేయించి గుడి దగ్గరకు తీసుకు వస్తానంది.

అదేంటో, చుట్టాలందరూ వచ్చారా ... సరిగ్గా టైం చూసి మోటర్‌ చెడిపోయింది - బావి దగ్గరికెళ్ళి తోడుకు వస్తున్నారు.

సుమారుగా 11 గం.కు గుడి కెళ్ళా అమ్మతో కలిసి. ఆల్రెడీ పూజ సగంలో వున్నట్టుంది. ఇంతకు ముందే పాత విగ్రహాల్ని వదిలేసి, కొత్త వాటిని (పెదనాన్న బెంగళూరు నుండి వచ్చేటప్పుడు తెనాలి నుండి తీసుకు వచ్చారు) ఐలూరు కృష్ణానదిలో స్నానంచేయించడానికి తీసుకువెళ్ళారట. బోల్డంత మంది మనుషులు ... ఎవరో ఏమిటో తెలీదు. నాన్నేమో డిజిటల్‌ కెమెరా, హాండీకామ్‌ తగిలించుకుని హడావుడిగా తిరిగేస్తున్నాడు. నన్నేమైనా తీసాడో లేదో !

జానూ అక్కా, ఇండోరు బావలూ చాలా బిజీగా ఆడుకుంటున్నారు. అంతా గొడవ గొడవగా వుంది. నన్నేమో తాతగారి పక్కింట్లో అద్దెకుంటారంట - ఆవిడ వళ్ళో పడుకోబెట్టింది అమ్మ. - ఇక్కడే నిద్దరోతే సరి !!!

1 అభిప్రాయాలు :

At 6:04 PM, Blogger anveshi said...

bagunnayi mee dairy viseshaalu.

 

Post a Comment

<< Home